Bræðurnir Carl og Roy Opgard eru eiginlega í furðu góðum málum. Þrátt fyrir að hafa ýmsa misalvarlega glæpi á samviskunni hefur þeim tekist að koma ár sinni vel fyrir borð á æskuslóðunum Ósi. Carl stýrir hóteli og heilsulind þorpsins en Roy rekur bensínstöðina og hugar að opnun skemmtigarðs til að trekkja að ferðamenn.Veldi bræðranna riðar til falls þegar erkióvinur þeirra, lögreglustjórinn Kurt Willumsen, kemst í kynni við nýja tækni sem hann telur geta sannað sekt þeirra í óupplýstum morðum. Óveðursskýin – og líkin – hrannast upp og bræðurnir lenda í blóðugu kapphlaupi við réttvísina.Kóngurinn af Ósi, sem er sjálfstætt framhald Kóngsríkisins, er hörkuspennandi glæpasaga eftir meistara Jo Nesbø sem bregst ekki lesendum sínum frekar en fyrri daginn.Bjarni Gunnarsson þýddi. Read more

Það er haust í Reykjavík. Alexander er hættur í menntaskóla og vinnur á kókbílnum. Vinnan er ömurleg, bílstjórinn óþolandi og það eina sem gerir vinnudaginn bærilegan er tilhugsunin um stefnumótið við Védísi um kvöldið – bíóferð og kannski eitthvað meira ... vonandi. En aldagömul öfl eru á sveimi, óvænt atburðarás fer í gang og fyrr en varir leynast hættur við hvert fótmál. Stefán Máni hefur notið mikilla vinsælda hér heima og erlendis fyrir skáldsögur sínar. Í Úlfshjarta er hann á nýjum slóðum; spennan er í hámarki eins og aðdáendur hans þekkja en umfjöllunarefnið er nýstárlegt og ævintýralegt. Read more

Ung kona skrifar bók sem leggur líf hennar og mannsins sem hún elskar í rúst. Ári seinna fær hún óvænt tækifæri til að segja frá sinni hlið á málinu. En hún hefur bara eina nótt. Og sá sem hlustar er ekki allur þar sem hann er séður. Við erum ekki morðingjar er spennuþrungin skáldsaga um ást, ofbeldi og viðkvæm leyndarmál. Dagur Hjartarson hlaut tilnefningu til Bókmenntaverðlauna Evrópusambandsins fyrir fyrstu skáldsögu sína, Síðustu ástarjátninguna. Hér sendir hann frá sér bók sem veltir upp áleitnum spurningum og mun koma lesendum á óvart. Read more

Una rambar á barmi kulnunar og er send vestur á firði í nýstofnað meðferðarúrræði, Kul. Þar dvelur lítill hópur fólks í þorpi við sjávarsíðuna í svartasta skammdeginu og glímir við það sem Hákon, forsprakki Kuls, segir mikilvægast: að horfast í augu við myrkrið innra með sér. Fyrir vestan fer fortíðin að sækja á Unu, minningar frá æskuárunum í litlu kjallaraíbúðinni með mömmu og Magga bróður.Þegar hrikta fer í stoðum meðferðarinnar, og ekki síður sjálfsmyndar Unu, tekur allt það sem hefur frosið fast innra með henni að losna úr læðingi og veruleikinn fer á flot.Kul er fyrsta skáldsaga Sunnu Dísar Másdóttur en áður hefur hún sent frá sér ljóðabókina Plómur sem var tilnefnd til Maístjörnunnar. Sunna er jafnframt ein Svikaskálda sem gefið hafa út fjórar ljóðabækur og skáldsöguna Olíu sem var tilnefnd til Íslensku bókmenntaverðlaunanna. Hún starfar ennfremur sem þýðandi, leiðbeinandi í ritlist og bókmenntagagnrýnandi. Read more

Þessi bók geymir magnaða frásögn af ferðalagi manns inn í heim stjórnleysis, heim sem sumir þekkja, margir óttast en allir ættu að leitast við að skilja betur. Saga Héðins Unnsteinssonar er öðrum þræði sigursaga en líka saga um baráttu við fordóma, kerfið og jafnvel tungumálið sjálft. Hvað er annars að vera heilbrigður? Hvernig losnar maður við „sjúk-dóm“? Vertu úlfur er einlæg, gagnrýnin og hispurslaus frásögn af falli og upprisu manns sem eitt sinn var greindur með geðhvörf. Héðinn hefur starfað á sviði geðheilbrigðismála í tvo áratugi, sem sérfræðingur í heilbrigðisráðuneytinu og hjá Alþjóðaheilbrigðismálastofnuninni, auk þess sem hann hefur kennt, haldið fyrirlestra og skrifað fjölda greina um þessi mál. Read more

Bless. - Bless. - Thetta var gott. - Thetta var gott. Flokkurinn er ad ljuka. Var thad virkilega gott fyrir litlu Sbren - thad er, HER - thad er tolvan sem drottnar yfir Tokyo? I lok seriunnar birtist hvit haze a skjam. Og eftir um thad bil thrjar minutur hofust ovaent frettir Felags japanskra nagranna. Itrekad endurtoku skilabodin um ad skurdgod i formi ,,fugls... Read more

Í fornsögum Einars Kárasonar, Óvinafagnaði og Ofsa, stíga persónur róstutíma Sturlungaaldarinnar fram í stærð sinni og smæð og segja hug sinn. Einar hefur einstakt lag á að miðla efninu þannig að auðvelt er að lifa sig inn í atburði, skilja og skynja. Ofsi er saga sem vekur í senn áhuga á skrautlegum flækjum og persónum þjóðarsögunnar og færir lesendur inn í hringiðu átakanna; sálarkeröld mannfólksins. Sögusviðið er Ísland á þrettándu öld: Gissur Þorvaldsson snýr breyttur maður heim úr Noregsför; fús til sátta við erkióvini sína, Sturlungana, eftir áralangan ófrið. Þeir efast um heilindi hans en sannfærast þegar Gissur leggur til að sonur hans kvænist stúlku af ætt Sturlunga. Fjölmenni er boðið til brúðkaupsveislu að Flugumýri þar sem innsigla á friðinn. Ekki mæta þó allir sem boðið var. Eyjólfur ofsi glímir bæði við stórlynda eiginkonu og stríða lund: Í vígahug, með svarta hunda á hælunum, ríður hann með flokk manna að Flugumýri í veislulok; nýsaminn friður er ekki allra … Read more

Sænska rannsóknarlögreglan fær sent myndskeið af konu að klæða sig, tekið í laumi inn um glugga. Daginn eftir finnst hún myrt á hroðalegan hátt. Svo berst upptaka af annarri konu – en lögreglan á enga möguleika á að finna hana áður en eltihrellirinn lætur til skarar skríða. Eiginmaður hennar er í losti, en hvað sá hann? Dávaldurinn Erik Maria Bark er fenginn til að reyna að ná sambandi við manninn en það sem hann hefur að segja verður til þess að Erik fer að ljúga að lögreglunni … Og hver urðu örlög lögregluforingjans Joona Linna? Hrellirinn var söluhæsta bók ársins 2014 í Svíþjóð. Þetta er fimmta spennubók Lars Kepler en á bak við það nafn standa hjónin Alexandra og Alexander Ahndoril. Fyrri bækur þeirra hafa slegið í gegn á Íslandi sem annars staðar og verið þýddar á fjölda tungumála. Read more

Ungur maður kemur beint úr kyrrstæðu samfélagi Húsavíkur upp úr 1960 til að læra hagfræði og er skyndilega staddur í skarkala stórborgarinnar. Hann er kominn til Berlínar; múr milli austurs og vesturs er nýreistur og óuppgerðar sakir nasismans krauma enn. Handan við hornið bíða æskulýðsuppreisn og ókyrrð ’68-kynslóðarinnar. Allt þetta mótar hann fyrir lífstíð.Þetta er um margt óvenjuleg minningabók. Þröstur er mjög hreinskilinn og óvæginn á köflum, ekki síst við sjálfan sig. Í gegnum allt skín mannúð og rík þörf fyrir að skilja og greina. Lífsstarf Þrastar Ólafssonar hefur verið fjölbreytt á sviði menningar, verslunar og stjórnmála. Hann var í forsvari fyrir Mál og menningu á umbrotatímum, var samverkamaður Guðmundar J. Guðmundssonar hjá Dagsbrún og aðstoðaði ráðherra frá Magnúsi Kjartanssyni og til Jóns Baldvins Hannibalssonar. Hér er ýmsu lýst sem gerðist á bak við tjöldin þegar miklir atburðir áttu sér stað í þjóðlífinu, átökum og erfiðum samningum. Margvíslegar minningar eru í bókinni um þau sem næst honum stóðu, flestar ljúfar en sumar sárar. Loks lítur hann yfir sviðið og hugleiðir brýnustu verkefni okkar daga, m.a. umhverfismál, en í bókinni er kafli helgaður bróður Þrastar, Guðmundi Páli, hinum þjóðkunna baráttumanni fyrir náttúruvernd, og þeirra nána sambandi. Read more

Hin suður-kóreska Han Kang hlaut Man Booker-verðlaunin árið 2016 fyrir Grænmetisætuna sem farið hefur sannkallaða sigurför um heiminn.Yeong-Hye og eiginmaður hennar lifa afar venjulegu lífi. Hann vinnur á skrifstofu en hún sinnir húsmóðurhlutverkinu af skyldu fremur en áhuga. Dag einn ákveður hún að gerast grænmetisæta. ,,Mig var að dreyna,“ er eina skýringin sem hún gefur – í samfélagi þar sem það er bæði hneyksli og skammarlegt að borða ekki kjöt. Read more

Agnes er komin í óskastöðu. Hún er orðin yfirþjónn á fínasta veitingastað Stokkhólms, sæti kærastinn hennar er frægur gítarleikari og hún á frábæra vinkonu sem styður hana í einu og öllu. En á einni kvöldstund breytist allt; hún er rekin úr vinnunni og kærastinn tekur bakröddina með risastóru brjóstin fram yfir hana. Agnes þarf að byrja aftur frá byrjun og læra sitthvað um ástina um leið og hún uppgötvar nýjar hliðar á vináttunni. Sítrónur og saffran er bráðfyndin og dramatísk saga um sorgir og sigra, ástir og vináttu, mat og mannlíf eftir einn vinsælasta rithöfund Svíþjóðar. Þórdís Gísladóttir þýddi. Read more

Vefarinn mikli frá Kasmír er tímamótaverk sem kom út árið 1927 þegar Halldór Laxness var 25 ára að aldri og vakti gríðarlega athygli og deilur. Sumum þótti sagan of bersögul og óþjóðleg en aðrir fögnuðu henni sem tákni nýrrar tíðar og bjartrar. Vefarinn mikli frá Kasmír fjallar um Stein Elliða, ungan gáfumann sem leitar lífsfyllingar og haldbærra sanninda í heimi fullum efasemda. Hugmyndastraumar og upplausnarandi millistríðsáranna koma hér kannski betur fram en í nokkru öðru íslensku ritverki. Halldór sagði í blaðaviðtali um það leyti sem bókin kom út að í sögunni tæki hann til meðferðar allflest hin dýpri áhugaefni sem hugsanlegt væri að valdið gætu ungum manni þessara tíma svefnlausum nóttum. Þessi útgáfa sögunnar er með nútímastafsetningu. Read more

Mögnuð og æsispennandi glæpasaga sem gerist að vetri til á Vestfjörðum – þar sem snjórinn og myrkrið geyma ógnvænleg leyndarmál.Fyrir aldarfjórðungi týndust tvær litlar systur í óveðri og aldrei hefur neitt til þeirra spurst. En Hildur, stóra systir þeirra, er orðin rannsóknarlögreglukona á Ísafirði og óhjákvæmilega leitar hvarf systranna oft á hugann. Lögreglan fyrir vestan er fáliðuð og fæst við margt. Þegar snjóflóð fellur á sumarhúsabyggð og Hildur og félagar hennar í lögreglunni mæta á staðinn finna þau í rústunum mann sem hefur verið myrtur – í friðsælum bænum er greinilega eitthvað einkennilegt á seyði.Satu Rämö er finnsk en hefur búið lengi á Íslandi. Hildur er hennar fyrsta glæpasaga og sló í gegn í Finnlandi, komst í efsta sæti metsölulista og náði einnig miklum vinsældum í Þýskalandi og víðar. Nú þegar eru komnar út tvær framhaldsbækur á finnsku.Erla Elíasdóttir Völudóttir þýddi. Read more

None

Býr Íslendingur hér? er ein áhrifamesta ævisaga síðustu áratuga hér á landi. Hún geymir sögu Leifs Muller, kaupmannssonar úr Reykjavík sem fæddur var 1920 og hélt út í heim kornungur, nokkru áður en seinni heimsstyrjöldin braust út. Í umróti stríðsins var hann svikinn í hendur Gestapo í Noregi, fangelsaður og síðar sendur til Sachsenhausen-fangabúðanna skammt frá Berlín.Leifur þraukaði til stríðsloka í þessum illræmdu útrýmingarbúðum nasista. Gegndarlaus þrældómur, grimmd, niðurlæging og þjáningar urðu hlutskipti hans þar, og við hryllilegar aðstæður dró hann fram lífið, komst til þroska – og lifði af. Eftir stríð höfðu fáir heima á Íslandi nokkurn skilning á því sem hann hafði gengið í gegnum en hann var illa farinn á líkama og sál eftir vítisvistina; sárin greru aldrei.Leifur Muller lést sumarið 1988, í þann mund sem Garðar Sverrisson lauk við að rita söguna um fangavist hans fjörutíu árum fyrr, látlausan aðdraganda hennar og áhrifarík eftirmál. Bókin kom út um haustið og vakti gríðarlega athygli enda er upprifjun Leifs einlæg og sláandi, skrifuð af nærfærni og virðingu, og snertir djúpt hvern þann sem les. Read more

„Menn leita að orku í stríði og friði, lífið þrífst á orkunni í okkur sjálfum og í náttúrunni, sagði gamli maðurinn vesældarlega.“ Á einangraðan stað suður með sjó, þar sem aldrei gerist neitt, berast fregnir af átökum heimsstyrjaldarinnar. Fyrr en varir hefur atburðarásin teygt anga sína þangað og nútíminn heldur innreið sína með ófyrirsjáanlegum afleiðingum. Höfundur dregur upp hárbeitta mynd af samfélagi á tímamótum; af eilífri baráttu manneskjunnar fyrir tilveru sinni, glímunni við fáfræði og fásinni, sannleika og lygi, heimsku og græðgi. Og sagan endurtekur sig stöðugt við nýjar og breyttar aðstæður, kynslóðir koma og fara … en ættarfylgjan lætur ekki að sér hæða, enginn flýr frá sjálfum sér. Read more

Í Hafnarlandi er allt eins og það á að vera og rotturnar þekkja sinn sess í lífinu: Safnarar safna mat, Njósnarar njósna, Bardagarottur halda óvinum frá og Étarar éta og hafa það gott. Efst í virðingarstiganum er Skögultönn Foringi sem öllu ræður. En daginn sem dóttir hennar, Eyrnastór Aðalbarn Gullfalleg Rottudís, gerir uppreisn tekur sagan óvænta stefnu; fer með söguhetjuna okkar inn í Borgina þar sem hættur eru á hverju strái og framandi rottur leika lausum hala. Sjálfur Draumaþjófurinn er sendur til að bjarga henni – eða til að deyja! Gunnar Helgason hefur á undanförnum árum sent frá sér fjölda gríðarvinsælla barnabóka. Myndir gerir Linda Ólafsdóttir sem hefur unnið til fjölda verðlauna fyrir myndlýsingar sínar, hér heima og erlendis. Read more

Grace er búin að leggja mikla vinnu í að skipuleggja óvænta draumaferð fyrir sig og manninn sinn í tilefni af tuttugu og fimm ára brúðkaupsafmælinu. Sjálfur hefur hann verið að undirbúa nokkuð óvænt – hann vill skilnað! Þrátt fyrir áfallið heldur Grace til Parísar, niðurbrotin og buguð.Audrey flýr eymdina í London til að uppfylla nýja drauma í nýrri borg. Starf í bókabúð í París er lykillinn að frelsinu en hún hefur samt engan áhuga á bókum, lítið vald á tungumálinu og er algjörlega peningalaus. Svo kynnist hún Grace.Grace skilur ekki hvað Audrey er frökk og Audrey skilur ekki hvað hin nýfráskilda Grace er varkár. Þrátt fyrir mikinn aldursmun og gjörólíkt lundarfar kemur í ljós að þessi einstaka vinátta er líklega það besta sem hefur hent þær báðar. Read more